AMABANGA YO KUBAKA IMIHANDA IRAMBA MU BIHUGU BIKIRI MUNZIRA Y'AMAJYAMBERE

Ariko ikibazo gikunze kugaragara ni uko hari imihanda yubakwa igatangira kwangirika mu gihe gito. Ibi bituma habaho igihombo ku mafaranga menshi yashowe mu bwubatsi. Ni yo mpamvu abahanga mu by’ubwubatsi bagenda bashyira imbaraga mu gushaka uburyo bwo kubaka imihanda iramba.Kimwe mu bintu by’ingenzi bituma umuhanda uramba ni ukwiga neza ubutaka (soil analysis) mbere yo gutangira kubaka.

Abahanga mu by’ubwubatsi bakora ubushakashatsi ku butaka bakamenya niba bufite imbaraga zo kwikorera uburemere bw’imodoka nyinshi zizawunyuramo. Iyo ubutaka butizewe, hifashishwa uburyo bwo kubwongerera imbaraga hakoreshejwe amabuye, umucanga cyangwa ibindi bikoresho byongera ubukomere bwabwo.

Ikindi kintu gikomeye mu kubaka umuhanda uramba ni ikoreshwa ry’ibikoresho byujuje ubuziranenge. Beton, asfalt n’amabuye bikoreshwa mu kubaka imihanda bigomba kuba byujuje ibisabwa n’abahanga mu bwubatsi. Iyo hakozwe umuhanda hakoreshejwe ibikoresho bidafite ubuziranenge, ushobora kwangirika vuba bitewe n’imodoka ziremereye cyangwa imihindagurikire y’ikirere.

Nanone kandi, imiyoboro y’amazi (drainage system) igira uruhare runini mu kurinda umuhanda kwangirika. Amazi y’imvura iyo atabonewe inzira anyuramo ashobora kwinjira mu butaka buri munsi y’umuhanda bigatuma woroha ukangirika. Ni yo mpamvu mu bwubatsi bw’imihanda hashyirwaho imiyoboro ituma amazi atembera neza ntayangize ibikorwa remezo.

Ikoranabuhanga rigezweho na ryo rifasha cyane mu kubaka imihanda iramba. Muri iki gihe, hari imashini n’uburyo bugezweho bwo gupima ubuziranenge bw’ibikoresho ndetse no kugenzura neza uko umuhanda wubakwa. Ibi bituma amakosa agabanyuka, bityo umuhanda ugakorwa neza kandi ukaramba igihe kirekire.

Mu gusoza, kubaka imihanda iramba mu bihugu bikiri mu nzira y'Amajyambere bisaba inyigo y'umushinga ihamye, ibikoresho byiza, igenzura rihoraho ndetse n’ikoranabuhanga rigezweho. Iyo ibi byose byubahirijwe, imihanda ishobora kumara imyaka myinshi igifite ubuziranenge, bityo igafasha mu iterambere ry’ubukungu n’imibereho myiza y’abaturage.