DORE INYUNAKO NDENDE ZIRI KUBAKWA MU RWANDA ZIGIYE GUHINDURA ISURA YA KIGALI MUBURYO BUDASANZWE

Kigali Financial Square igizwe n’inyubako ebyiri ndende (twin towers) zizaba zifite amagorofa menshi, Aho imwe izaba ifite amagorofa 24 indi ikazaba ifite amagorofa 20, n'inzu zitrzweho guhindura Isura ya Kigali ndetse no gukurura ishoramari mpuzamahanga Ku butaka bw'Urwanda ,zubatswe mu rwego rwo kwakira ibigo by’imari, amabanki, amasosiyete akomeye n’ibindi bikorwa by’ubucuruzi mpuzamahanga.

Intego nyamukuru ni ugushyigikira icyerekezo cy’u Rwanda cyo kuba igicumbi cy’imari n’ubucuruzi muri Afurika y’Iburasirazuba.

Amakuru atangwa n’abashoramari n’abakurikirana uyu mushinga agaragaza ko igice cy’ikorwa ry’inkingi n’amagorofa (superstructure) kiri hafi kurangira, mu gihe ibikorwa byo gutunganya inyuma y’inyubako (façade works) n’ibikorwa byo mu nzu imbere (interior finishing) biteganyijwe gukurikirahoKu rubuga rw’ubwubatsi, abakozi benshi n’ibikoresho bigezweho bikomeje gukora mu buryo buhoraho, bigaragaza umuvuduko mwiza w’ikorwa ry’umushinga.

Uyu mushinga uje wiyongera ku bindi bikorwa remezo bikomeje kuzamura isura ya ya Kigali, birimo inyubako z’ubucuruzi, amahoteli n’ibiro by’amasosiyete mpuzamahanga. Abasesenguzi mu by’ubukungu bemeza ko nurangira, Kigali Financial Square izafasha kongera amahirwe y’akazi, kwagura urwego rw’imari, no gukurura ishoramari riturutse mu mahanga.

Mu gihe Kigali ikomeje kwaguka no kwiyubaka nk’umujyi ugezweho, imishinga nk’uyu igaragaza icyizere abashoramari bafitiye ubukungu bw’u Rwanda. Biteganyijwe ko nirangira, Kigali Financial Square izaba kimwe mu bimenyetso bigaragara by’iterambere ryihuse rya Kigali n'iterambere ry'Abanyarwanda mu buryo burambye